ദക്ഷിണാഫ്രിക്കയ്ക്കെതിരായ ഒന്നാം ഏകദിനത്തിൽ താൻ ആറാം നമ്പറിൽ ബാറ്റ് ചെയ്യുമെന്ന് ഇന്ത്യൻ ക്യാപ്റ്റൻ കെ എൽ രാഹുൽ. രവീന്ദ്ര ജഡേജ, വാഷിങ്ടൺ സുന്ദർ, നിതീഷ് കുമാർ റെഡ്ഡി തുടങ്ങിയ താരങ്ങളും മധ്യനിരയിൽ ബാറ്റിങ്ങിനെത്തും. എങ്കിലും നാളെയാവും അന്തിമ ഇലവനെ നിശ്ചയിക്കുകയെന്ന് കെ എൽ രാഹുൽ കൂട്ടിച്ചേർത്തു. ഒന്നാം ഏകദിനത്തിന് മുമ്പായുള്ള വാർത്താസമ്മേളനത്തിലാണ് രാഹുലിന്റെ പ്രതികരണം. പരിക്കേറ്റ സ്ഥിരം നായകൻ ശുഭ്മൻ ഗില്ലിന്റെയും വൈസ് ക്യാപ്റ്റൻ ശ്രേയസ് അയ്യരുടെയും അഭാവത്തിലാണ് രാഹുൽ ഇന്ത്യയെ നയിക്കുന്നത്.
ചാംപ്യൻസ് ട്രോഫി മുതൽ ഞാൻ ആറാം നമ്പറിലാണ് ബാറ്റ് ചെയ്യുന്നത്. അതേ പൊസിഷനിലാവും ഞാൻ ടീമിൽ തുടരുക. വീന്ദ്ര ജഡേജ, വാഷിങ്ടൺ സുന്ദർ, നിതീഷ് കുമാർ റെഡ്ഡി തുടങ്ങിയ താരങ്ങളും മധ്യനിരയിലുണ്ടാവും. അന്തിമ ഇലവനെ ഇന്ന് വൈകുന്നേരം തീരുമാനിക്കും. നാളെ മത്സരത്തിന് മുമ്പാകും ടീമിനെ പ്രഖ്യാപിക്കുക. ഏറ്റവും മികച്ച താരങ്ങളെ ഉൾപ്പെടുത്തിയാവും ഇന്ത്യൻ ടീം കളത്തിലെത്തുക.
നാളെ ഉച്ചയ്ക്ക് 1.30 മുതലാണ് ഇന്ത്യയും ദക്ഷിണാഫ്രിക്കയും തമ്മിലുള്ള ഒന്നാം ഏകദിനം. മത്സരത്തിന് ജാർഖണ്ഡിലെ റാഞ്ചി സ്റ്റേഡിയം വേദിയാകും. ജിയോ ഹോട്സ്റ്റാറിലും സ്റ്റാർ സ്പോർട്സിലുമാണ് മത്സരം തത്സമയം കാണാൻ സാധിക്കുക.
ദക്ഷിണാഫ്രിക്കയ്ക്കെതിരായ ഏകദിന പരമ്പരയ്ക്കുള്ള ഇന്ത്യൻ ടീം: രോഹിത് ശർമ, യശസ്വി ജയ്സ്വാൾ, വിരാട് കോഹ്‍ലി, തിലക് വർമ, കെ എൽ രാഹുൽ (ക്യാപ്റ്റൻ, വിക്കറ്റ് കീപ്പർ), റിഷഭ് പന്ത് (വിക്കറ്റ് കീപ്പർ), വാഷിങ്ടൺ സുന്ദർ, രവീന്ദ്ര ജഡേജ, കുൽദീപ് യാദവ്, നിതീഷ് കുമാർ റെഡ്ഡി, ഹർഷിത് റാണ, റുതുരാജ് ഗെയ്ക്ക്‌വാദ്‌, പ്രസിദ്ധ് കൃഷ്ണ, അർഷ്ദീപ് സിങ്, ധ്രുവ് ജുറേൽ (വിക്കറ്റ് കീപ്പർ).
Content Highlights: KL Rahul confirms he will bat at 6 in the ODI series vs South Africa